مشكلة الغش في المدارس بالمطرية

[همسة خيال]

والله الموضوع ده وجع قلبي وجيتم علي الجرح
لان الغش اصبح شبه اجباري
والدنيا اصبح مقلوب حالها انا خريجه تربيه وقاعده محلك سر

عينوا الي مش تربوي وقاللهم اعملوا تربوي
وعينوا دفعه حديثه وقالوا للي قبلهم استتوا
اظاهر الكوسه بقت المنتج الاول محليا
وعجبي!

فعلا الغش مش شبه احباري
لا اصبح اجباري
ودا شوفته بعيني

.........
اما بالنسبه للعقد
فانا دفعه حديثه واشتغلت
بس مش بسبب الكوسه وانما كان على اساس التقدير
مع اني من وجهة نظر ان لكل دفعه ظروفها
يعني كان نفسي يتعقدوا مع اللي قبلنا الاول
لانهم لهم الحق والاولويه
لكن هذا ما حدث
وربنا يكرمك بفرصه احسن باذن الله
مشكوره اختي على مرورك الطيب
وربناا يوفقك

[همسة خيال]

ماتستعجليش اختى

ان شاء الله ربنا يعوضك فى النهاية

الموضوع مش محتاج غير الصبر .. وان شاء الله عن قريب تبقى زومل واخد نص مرتبك



اما بالنسبة لموضوعنا وهو الغش فى المدارس

فتقريبا دلوقتى المدرس اللى بيمنع الغش

بقى مدرس غير عادل
وازاى يعمل كدا

هو مش عارف ان الغش دا شىء اساسى

وتبدأ بقى التبريرات

فى ابتدائى دا طفل لسه فى ابتدائى حرام عليكم
لسه مااتعودش على نظام الامتحانات



فى اعدادى

دا لسه خارج من ابتدائى ومايعرفش حاجة

حرام عليكم ساعدوه دا عايز يدخل ثانوى



فى ثانوى

دا مش اتأسس من ابتدائى

ليه تاخدوه بذنب المدرسيين اللى مش عندهم ضمير اللى درسوله

وبعدين دا عايز يدخل كلية طب

هتضيعوا مستقبله


**

\\



هذه التبريرات ستجدوها على لسان كل ولى أمر



اصبح شعارنا مكتوب فوق السبورة

غش وارتاح تنول النجاح


وانا عن نفسى موش هغشش ابدا
وهصر على ذلك

لانه حرام نساوى طالب مجتهد بطالب مايعرفش حتى يكتب اسمه

هل هذا العدل




شكرا للمجهود القيم

وبارك الله فيكم

فعلا ياشقيه هذا ما يحدث بالظبط
وتبريراتهم لاتنتهي
اسمعي اخر تبرير
عشان اهلهم على قد حالهم خلي الطالب
يعدي عشان اهله مش هيتحملوا انهم يعيدوا السنه
دا تبرير عشان يخلوا المدرسين تتعاطف مع هؤلاء الطلبه
اما لو ردينا عليهم ان الظروف ليست عائق للانسان انه يصبح
متفوق او على الاقل ينجح وان ياما ناس كانت ظروفهم اصعب لكنهم تفوقوا
يضرب بهذا الكلام بالطبع عرض الحائط وتصبحي مدرسه قاسيه جدا
قلبك جامد
لكن كماا قلتي ساصر على محاربة الغش بشتى الطرق والوسائل
والله المعين
شكرا اختي على مرورك الكريم

[همسة خيال]

والمشكلة انا هما لم بينجحوا عايزين يدخولو ثانوى يارت حاجة تانيى لا غشاش وبيتائمر

دا الطبيعي طبعا
عشان بعد كدا الكليات الخاصه تبتدي
شكرا اخي على مرورك الرائع

[همسة خيال]

كفاية كلام عاوزين عمل يعنى إيه يقولوامش عاوزين غش وبعدين نلاقى ورق في اللجان كل واحد مسئول أمام الله عن الجريمة دى تعبنا كلام عاوزين عمل رجاءاًأيها المدرس المراقب دع ضميرك يعمل وتذكر أن الله يراك

فعلا دا اللي احنا عايزين نوصله
ان كل مراقب يراعي ضميره ويمنع الغش والاهالي تربي عيالها
على ترك الغش
عايزاكي تسمعي اخر تعليق سمعته من مدرسه
انها لما بتقف تراقب بتسهل على الطلبه عشان
خاطر اولادها انهم في نفس الوضع بيمتحنوا
فعشان كدا بيسهلوا على الطلبه عشان المراقبين الاخرين
يسهلوا على اولادهم ....وعجبي
شكرا اخيتي على مرورك المتالق

[همسة خيال]

والله الغش ده ظاهرة موجودة وهتستمر والعجب بقى ان المنتقبات هما اللى بيغششوا عيالهم

ربنا يهدينا ويهديهم
جزاك الله رنا خيرا على مرورك الجميل

[همسة خيال]

مشكلة الغش موجودة من زمان زى ما حضراتكوا قلتوا
و الغش بيضر بالكل
المدرس والطالب و التعليم كله وايضا يضر بديننا
واذا تتبت الطالب الذى يغش تجد نهايته فى العمل فاشلة
اذا وجد اساسا نصيبه
بالطبع يؤثر على المجتمع الذى فيه
و الذى يعطى مدرس فاشل و طبيب فاشل
وغيرهم

شكرا على الموضوع الجميل

هذا بالطبع ما يحدث
في النهايه نجد طبيب فاشل ومهندس فاشل
ومدرس فاشل وهكذا.........
وربنا يبعدهم عن المسلمين لانهم يصبحوا افراد للتخريب لاللتعمير
مشكور اخي على مرورك العطر

[همسة خيال]

غش هو فيه غش لالالالالالالا غلطان دادا عادى الناس كلهابتغش بعض اجت بقا عاى طالب خليك راجل مش مان

لا خالص مفيش غش هو مين اللي قال كدا
والطالب مجتهد وبيمنع الغش
وكله تمام
وربنا يهدي الجميع

[همسة خيال]

يا جماعــــــــة الغـــــــــش ده خلاص بقى فطرة و حاجة طبيعية وعادة الكل ماشى عليها بس بصراحة هى فى اولة ثانوى مش موجودة ولكن فى ناس بتقول ان الغش فى الثانوية بنات بيبقى كتيير ليه بقى الله اعلم

بس لكل مجتهد نصيب والغش بتظهر اثاره بعدين يعنى اللى غش هيظهر مستواه بعد كده اذا مثلا طلع مهندس او دكتور هيبقى فاشل فاشل فاشل و ده الكل هيبقى شايفه
فهتجيله لحظة ندم ليه؟ لانه غش ف مش هقول غير حسبى الله ونعم الوكيل

كان زمان بيقولوا ان التعليم كالماء والهواء
اصبح الان الغش كالماء والهواء بلا اكثر
لكن كما قلت ان الحقيقه الواضحه للعيان ان للغش
نهايه ونهايه مفجعه للغشاش لانه لم يصل الى ما هو عليه الكد
والتعب وانما بالغش واكيد مهما وصل لن يشعر بما يشعر به المجتهد
من لذه وفرحه فرحة النجاح
شكرا باردون على رايك السديد
وربنا يوفقك
وتحقق كل اللي بتتمناه

[mohammed_shata]

وفر وقتك يا همسة خيال انا شوفت من الغش الى مستحيل حد يشوفوا وان فى الازهر فى الاعدادى واما جيت اتكلم منعونى وقالوا لى انى مبحبش الى نفسى وغيرها من الكلام المؤثر وبعدما كنت اكون الاولى كل سنة هذا العام طلعت الخامسة ويالا العار ان هذا فى الازهر

الله يكرمك واكيد الخامسه بمجهودك افضل من الاولى ببلاش ونتيجته زى ما

قالو الاخوه هتظهر بعدين وهيبان مين تعب ومين اللى اتكل

انا لسه فاكر ايام امتحانات خامسه ابتدائى ومذاكر وكل حاجه والحمد لله

بس مدرس ليا الله يبارك فيه ويصبحه بكل خير وكان مازينجر المدرسه اياميها

كنا نترعب منه لو جاى من على بعد 4 شوارع وكان الامر بتاعه اننا نكتب جدول الضرب

ومش فاكر كان ايه تانى فى كراسة الرسم اللى بنسند عليها فى الامتحان

ولما عملت كده خوفا منه وشاف الكراسه عمى كان فاضل تكه ويعلقنى فى عمود النور فى الشارع

وانا احلف بالله ان المدرس اللى قايل وهويقول وانت ليه تسمع كلامه وقطع الصفح اللى كنت كاتب عليها

وتصدقى انى كنت رايح الامتحان وانا مرعوب المدرس يشوف الكراسه وما يلاقيش جدول الضرب مكتوب

الحمد لله ايام وعدت بس الله المستعان تلاميذ اليوم "" إنا لله وإنا إليه راجعون""

موضوع جميل يا همسه فكرتينى باللذى مضى